काठमाडौं-नेकपा एमालेका अध्यक्ष केपी शर्मा ओलीले राष्ट्रिय राजनीतिमा जेजस्तो फेरबदल आए पनि मिसन २०८४ नछाड्ने बताउनु भएको छ। पार्टीकाे जनवर्गीय संगठन जिफन्टले साेमबार आयाेजना गरेकाे कार्यक्रमलाई सम्बाेधन गर्दै अध्यक्ष ओलीले यस्तो बताउनु भएको हो।
देशकाे परिस्थिति जेसुकै भएपनि पार्टीले मिसन ८४ काे अभियान नछाड्ने अध्यक्ष ओलीले बताउनुभयाे ।
अध्यक्ष भन्नुभयाे, ‘तपाइँहरुलाई थाहा छ- देशकाे परिस्थिति आजकाे दिन अलि छिटाेछिटाे हिँड्न खाेजेकाे छ। जे जति परिवर्तन भए पनि हामी मिसन २०८४ छाड्दैनौं । एमालेलाई निर्णायक शक्तिको रुपमा विकास गर्ने उद्देश्यको साथ मिसन चौरासी भनेको हो । त्यसको मापन मात्र निर्वाचनले गर्छ।’ एमाले निर्णायक शक्ति भएमात्र राष्ट्रियता र सार्वभौमसत्ताको रक्षा हुने उहाँले बताउनुभयो।
देशमा व्यवस्था फेरियाे अवस्था फेरिएन भनेर गलत भाष्य बनाउन खाेजिएकाे भन्दै अध्यक्ष ओलीले देश धेरै अगाडि बढेकाे बताउनुभयाे ।
कार्यक्रममा अध्यक्ष ओलीले मजदुरहरुको ज्याला र पारिश्रमिक वृद्धि हुनुपर्ने पनि बताउनुभयो । कतिपयले मजदुरहरुको पारिश्रमिक बढ्दा महँगी बढ्छ भन्ने गरेको भन्दै ओलीले त्यो तर्क गलत भएको बताउनुभयो। त्यसो हुने भए त अहिले जम्मा १५ हजार पारिश्रमिक हुँदा महँगी नबढ्नुपर्ने हो नि तर दिनदिनै बढिरहेको छ।
