उदयपुर : उदयपुरमा बिहीबार भएको ट्याक्टर दुर्घटनामा दुई जनाको मृत्यु भएको छ । जिल्ला प्रहरी कार्यालय उदयपुरका प्रहरी नायव उपरीक्षक राजन चापागाईँका अनुसार दुर्घटनामा भोजपुर हतुवागढी गाउँपालिका वडा नं २ का १९ वर्षीय ट्याक्टर चालक नीरज मगर र रौतामाइ गाउँपालिका वडा नं १ डहरका ४० वर्षीय चक्रबहादुर तामाङको मृत्यु भएको हो ।
जिल्लाको उदयपुर गडीबाट ताप्लि गाउँपालिकातिर जाँदै गरेको प्र.१–०२–००२.त.९६१ नम्बरको ट्याक्टर उदयपुर गढी गाउँपालिका वडा नं २ को गोर्खेमा दुर्घटना भएको हो ।
