दसैँमा खानपिन र रमाइलोसँगै कसरी राख्ने स्वास्थ्यको ख्याल ? (टिप्स सहित)
काठमाडौं । दसैँ नेपालीहरूको महान् पर्व हो । यस अवसरमा परिवारभित्र मिलन, पूजाआजा, टिका, जमरा, सेलरोटी, मासु, मिठाई र रमाइलोका साथसाथै धेरै खानपिन र जमघट हुन्छ ।
विशेष गरी दसैँमा हरेक घरमा मासुका परिकार पाक्ने गर्छन् । तर, यही खानपिनको कारण पेट गडबडी, ग्यास्ट्रिक, मोटोपन, उच्च रक्तचाप, मधुमेहको समस्या देखिने सम्भावना पनि धेरै हुन्छ । त्यसैले दसैँ रमाइलो मात्र नभई स्वास्थ्यप्रति सचेत रहनुपर्ने समय पनि हो । त्यसैले, स्वास्थ्यलाई प्राथमिकता दिँदै, रमाइलो र सचेतना दुवै सन्तुलित बनाउन आवश्यक हुन्छ । दसैँमा हाम्रो स्वास्थ्यको हेरचाह कसरी गर्ने त रु भन्ने कुराको यहाँ उल्लेख गरेका छौँ ।मासु सेवनमा संयमता
दशैँमा मासु धेरै खाइन्छ। तर, धेरै तारेको वा बोसोयुक्त मासु खाँदा पेट गडबडी, ग्यास्ट्रिक, कोलेस्ट्रोल बढ्न सक्छ । भोजनमा सन्तुलन
मासुसँगै तरकारी, सलाद, अचार, दही समावेश गर्नु उत्तम हुन्छ ।
एकैपटक धेरै खानुभन्दा सानो–सानो परिमाणमा बारम्बार खानु राम्रो हुन्छ ।
मिठाई र तारेको खानामा संयम
अत्यधिक गुलियो खानेकुरा जस्तो लड्डु, पेढा, बर्फी, जेरी, सेलरोटी धेरैको रोजाई हुन सक्छ । तर, चिनी र तेल बढी हुने भएकाले मधुमेह, मोटोपन, पेट दुख्ने समस्या आउन सक्छ ।
पानी पर्याप्त पिउनुहोस्
मासु, नुनिलो र मसालेदार खाना खाँदा शरीरलाई पानी बढी चाहिन्छ । दिनमा कम्तीमा ८–१० गिलास पानी पिउनुहोस् ।
शारीरिक गतिविधि
खानपिन बढी हुने भएकाले बिहान वा बेलुकी कम्तिमा ३० मिनेट हिँड्ने, खेलकुद गर्ने, घरको काम गर्ने गर्न सकिन्छ ।
बालबालिकाको स्वास्थ्यमा ध्यान
बच्चाहरूलाई चकलेट, चाउचाउ जस्ता खानेकुरा भन्दा फलफूल, दूध, घरमै बनेको सेलरोटी, मासु खुवाउनु राम्रो हुन्छ ।
सफाइमा ध्यान
दसैँमा मासु काट्ने, पकाउने काम बढी हुने भएकाले सफा पानी, राम्ररी धुने बानी बसाल्नु पर्छ ।
भान्साको सरसफाइमा विशेष ध्यान
हतार र धेरै परिकार निरन्तर पकाइराख्दा भान्सा फोहोर हुने गर्छ । हामीले खाने खानेकुरा पकाउने ठाउँको विशेष ध्यान दिनुपर्छ ।
