काठमाडौँ– नेपालको चारदिने भ्रमण आउनुभएका संयुक्त राष्ट्रसंघका महासचिव एन्टोनियो गुटेरेस आज न्युयोर्क फर्किँदै हुनुहुन्छ ।
नेपाल भ्रमणमा रहनुभएका महासचिव गुटेरेस आइतबार बिहान काठमाडौँ आइपुग्नुभएको हो ।
उहाँले हिजो संसद्को दुवै सदनलाई संयुक्त रूपमा सम्बोधन गर्नुभएको थियो । त्यसअघि उहाँले राष्ट्रपति, प्रधानमन्त्री, प्रमुख प्रतिपक्षी दलका नेतालगायत उच्च राजनीतिक भेटवार्ता गर्नुभएको थियो ।
महासचिव गुटेरेसले अन्नपूर्ण आधारसिविर तथा लुम्बिनीको पनि अवलोकन भ्रमण गर्नुभएको थियो ।
