काठमाडौं । राष्ट्रपति रामचन्द्र पौडेलले वरिष्ठ नागरिकको ज्ञान, अनुभव र सीपलाई नयाँ पुस्तामा हस्तान्तरण गर्नुपर्ने आवश्यकता औंल्याएका छन् ।
मनमोहन स्मृति प्रतिष्ठानद्वारा आयोजित दुईदिने ‘अन्तर्राष्ट्रिय ज्येष्ठ नागरिक सम्मेलन’लाई सम्बोधन गर्दै उनले पूर्वप्रधानमन्त्री मनमोहन अधिकारीको योगदानको स्मरण गरे ।
राष्ट्रपति पौडेलले पूर्वप्रधानमन्त्री मनमोहनका नाममा स्थापित प्रतिष्ठानले समाजका ज्येष्ठ नागरिकको ज्ञान र सीप नयाँ पुस्तामा कसरी हस्तान्तरण गर्न सकिन्छ भन्ने महत्वपूर्ण विषयमा छलफल आयोजना गर्नु सकारात्मक पक्ष भएको बताए ।
उनले भने, ‘पूर्वप्रधानमन्त्री स्वर्गीय मनमोहन अधिकारीका नाममा स्थापित प्रतिष्ठानले समाजका वरिष्ठ नागरिकको ज्ञान र सिपलाई नयाँ पुस्तामा कसरी हस्तान्तरण गर्न सकिन्छ भन्ने महत्वपूर्ण विषयमा छलफल गर्नु राम्रो पक्ष हो ।’
