विराटनगर-प्रदेश १ का मुख्यमन्त्री हिक्मत कार्कीले तीनजना मन्त्री नियुक्त गर्नुभएको छ । मुख्यमन्त्री कार्कीले विश्वासको मत लिनुभन्दा अगाडि तीनजना मन्त्री नियुक्त गर्नुभएको हो ।
नवनियुक्त तीन मन्त्रीमा माओवादी केन्द्रबाट तेह्रथुमका दुर्गा चापागाईँ, मोरङका जीवन आचार्य र एमालेबाट सोलुखुम्बुका बुद्धिकुमार राजभण्डारी छन् । यसअघि आलोपालोको माग गर्दै सरकारमा नजाने निर्णय गरेको माओवादी आजबाट सहभागी भएको छ ।
आचार्य प्रधानमन्त्री एवं माओवादी अध्यक्ष प्रचण्डका ज्वाईँ हुन् । जुनियर भएको भन्दै आचार्यलाई प्रदेशको नेतृत्वले मन्त्री बनाउन नखोजेपनि हाइकमाण्डको निर्देशनमा उनी नियुक्त भएको माओवादीका एक नेताले बताएका छन् ।
