काठमाडौं – अखिल नेपाल महिला संघको अध्यक्षमा टुका हमाल र महासचिवमा पेम्वा लामा निर्वाचित हुनुभएको छ । भर्खरै प्राप्त परिणाम अनुसार अध्यक्षमा टुका हमाल, उपाध्यक्षमा शर्मिला कार्की,डा.बिमला राई पौडेल ,रूक्मनी राना,मेनुका काफ्ले,मेनुका पोख्रेल,सुमित्रा बि.सी.र महासचिवमा पेम्वा लामालाई चयन गरेको हो ।
त्यसैगरि उपमहासचिवमा शान्ति अधिकारी, कोषाध्यक्षमा ईन्दिरा फुयल निर्विरोध निर्वाचित हुनु भएकोछ । यसैगरी ७ वटै प्रदेशको प्रतिनिधित्व हुने गरी सचिवहरू विणा राई, विना साह, शारदा कुमाल, नरदेवि पुन, बिना ज्ञवाली, मीना रखाल, आशा बि. क निर्वाचित हुनु भएकोछ । दश वर्षपछि भएको अनेमसंघको ७ औं राष्ट्रिय महाधिवेशनमा एकताबाट सहभागि भएका नेता र केन्द्री कमिटीका सदस्यको टुंगो भोलि लगाउने अनेमसंघले जनाएको छ । प्रज्ञा भवन कमलादीमा भएको अधिवेशनले पदाधिकारी र केन्द्रीय कमिटीमा सहमतिबाट नेतृत्व चयन गरेको हो ।
हाल अध्यक्षको दाबी गरिरहेकी थममाया थापा र महासचिवको दाबी गरिरहेकी सुजिता शाक्यले नेतृत्व हस्तान्तर गर्दै अनेमसंघमा नयाँ अनुहारले प्राथमिकता पाएका छन् ।
