दाङ : रोल्पामा जिप दुर्घटना हुँदा १ जनाको घटनास्थलमै मृत्यु भएको छ भने ९ जना घाइते भएका छन्।
मृत्यु हुनेमा गंगादेव गाउँपालिका-२ ओइलामका १५ वर्षीय विद्यार्थी तिलक वली रहेको प्रहरीले जनाएको छ।
दाङको तुलसीपुरबाट रोल्पाको गंगादेव गाउँपालिका-६ राँक ताप्लाका लागि गएको लु १ ज ४७५५ नम्बरको जिप आइतबार साँझ करिब ५ बजेतिर गंगादेव गाउँपालिका-२ को हेलङखोलामा दुर्घटना भएको जिल्ला प्रहरी कार्यालय रोल्पाका प्रवक्ता एवं प्रहरी निरीक्षक प्रकाश भुसालले जानकारी दिए।
