इजरायल बंकरमा लुकेर बसेका नेपाली विद्यार्थीहरुलाई सेनाको सहयोगमा सुरक्षित स्थानमा लगिँदै

काठमाडौं । इजरायलमा हमास समूहले गरेको आक्रमणपश्चात् बंकरमा लुकेर रहेका नेपाली विद्यार्थीहरुलाई इजराली सेनाले सुरक्षित स्थानतर्फ लग्न सुरु गरेको छ ।

कृषि अध्ययनका लागि बस्ने क्रममा हमासको आक्रमणमा परेका उनीहरुलाई इजरायली सेना, स्थानीय संस्था र गैरआवासीय नेपाली संघको सहायतामा उद्धार थालिएको हो ।

हायात रोडमा रहेका ११ मध्ये नौ जनाको उद्धार भइसकेको भइसकेको बताइएको छ । बाँकी दुई पनि सुरक्षित स्थलमा लगिने क्रममा छन् ।

केही बेरमा सुरक्षित स्थानमा नेपाली विद्यार्थीहरुलाई पुर्‍याइने बताइएको छ ।