काठमाडौं । नेपाल बार एसोसिएसनले आगामी फागुन २१ गते हुने प्रतिनिधिसभा निर्वाचनको अनुगमन गर्ने भएको छ । एसोसिएसनले एक विज्ञप्ति जारी गर्दै स्वतन्त्र रूपमा निर्वाचन अनुगमन गर्ने जनाएको छ ।
यसका लागि एसोसिएसनले सर्वोच्च अदालत, उच्च अदालत, विशेष अदालत तथा जिल्ला अदालत बार एसोसिएनलाई आग्रहसमेत गरेको छ ।
सरोकारवाला संघसंस्था र निर्वाचन आयोगमा सूचीकृत पर्यवेक्षक संस्थासँगको सहकार्यमा निर्वाचन प्रक्रिया प्रारम्भदेखि मतगणना परिणामसम्म समग्र निर्वाचन प्रक्रियाको पर्यवेक्षण गर्न पनि सम्बन्धित सबैमा आग्रह गरिएको छ ।
