काठमाडौं । आज संघीय संसद्का दुई वटा संसदीय समितिको बैठक बस्ने भएको छ । सार्वजनिक लेखा समिति र सार्वजनिक नीति तथा प्रत्यायोजित विधायन समितिको बैठक बस्ने भएको हो ।
सार्वजनिक लेखा समितिको बैठक शुक्रबार बिहान १० बजे बस्ने भएको छ । बैठकमा बेरुजु छलफल उपसमिति गठन सम्बन्धमा छलफल हुने कार्यसूची रहेको छ ।
आज बिहान १०ः१५ बजे बस्ने सार्वजनिक नीति तथा प्रत्यायोजित विधायन समितिको बैठकमा पुस्तकालय नीतिको सम्बन्धमा विज्ञद्वारा प्रस्तुती तथा विविध विषयमा छलफल हुने कार्यसूची रहेको छ ।
