रोल्पा । रोल्पामा आज बिहान पहिरोमा परेर बेपत्ता भएका तीनजनाको शव फेला परेको छ ।
सुनछहरी गाउँपालिका–२ फलबाङमा वीरू घर्तीको घर पहिरोले पुरिँदा बेपत्ता भएका तीजनाको शव फेला परेको हो ।
मृत फेला पर्नेमा ७७ वर्षीय वीरु घर्ती मगर, ६८ वर्षीया सनी घर्ती मगर र ७० वर्षीया लली घर्ती मगर छन्।
हिजो मात्रै रोल्पाको थबाङ गाउँपालिका–५ उवा कोटलबारामा पहिरोमा परेर १० जनाको मृत्यु भएको थियो भने ३ जना बैपत्ता छन्।
