झापा । नेकपा (एमाले)का अध्यक्ष तथा पूर्वप्रधानमन्त्री केपी शर्मा ओली गृहजिल्ला झापा आइपुगेका छन् । अध्यक्ष ओली गत फागुन २१ को चुनावपछि पहिलोपटक झापा आइपुगेका हुन् ।
अध्यक्ष ओली इलामको कार्यक्रममा सहभागी हुन झापास्थित चन्द्रगढी विमानस्थलमा अवतरण गरी स्थलमार्गमार्फत त्यसतर्फ प्रस्थान गरेका हुन् ।
अध्यक्ष ओली आज इलाममै बस्ने र भोलि बिर्तामोडमा एमाले झापाले आयोजना गरेको मिसन पार्टी जागरण अभियानको उद्घाटन गर्ने कार्यक्रम रहेको एमाले झापाका सचिव तुलसी कार्कीले जानकारी दिए ।
