काठमाडौं । नेकपा एमालेले आज चुनावी घोषणा पत्र सार्वजनिक गर्दैछ ।
होटल याक एण्ड यतिमा दिउसो १.३० बजे घोषणा पत्र सावर्जनिक गर्ने कार्यक्रम रहेको केन्द्रीय सदस्य एवं प्रचार र तथा प्रकाशन विभागका उपप्रमुख विष्णु रिजालले जानकारी दिनुभयो । रिजालका अनुसार घोषणा पत्रको सार्वजनिकरण केही नयाँ ढंगले हुदैछ । त्यसमा अध्यक्ष ओलीसँग लाइभ डिबेटको कार्यक्रम पनि राखिएको छ ।
घोषणापत्र सार्वजनिक गरिसकेपछि एमाले अध्यक्ष ओली चुनावी कार्यक्रममा सहभागी हुने तयारी गर्नुभएको छ । विभिन्न क्षेत्रमा हुने करिब ५५ वटा सभामा उहाँ सहभागी हुने तयारी गर्नुभएको छ ।
कांग्रेस, माओवादी केन्द्र, एकीकृत समाजवादी, राप्रपासहित केही दलले घोषणापत्र सार्वजनिक गरिसकेका छन् ।
