विराटनगर – नेकपा एमालेका अध्यक्ष केपी शर्मा ओलीले नेपाली कांग्रेस सरकारमा आउन मरिहत्ते गरिरहेको बताउनुभएको छ।
आज विराटनगर विमानस्थलमा पत्रकारहरुसँग कुराकानीका क्रममा उहाँले यस्तो बताउनुभएको हो ।
अध्यक्ष ओलीले राष्ट्रिय सहमतिको नाममा कांग्रेसले राष्ट्रपति पद मागेर राजनीतिक संस्कार नदेखाएको टिप्प्णी पनि गर्नुभयो ।
उहाँले कांग्रेसले राष्ट्रपति हामीलाई दिनुपर्छ, हामीले पाउनुपर्छ भन्नु अनौठो नभएको बताउनुभयो । उहाँले भन्नुभयो, ‘अहिले राष्ट्रपतिको उम्मेदवार सत्ता पक्षबाटै हुन्छ। कांग्रेसले राष्ट्रपति पद खोजेर राजनीतिक चरित्र देखाए।’
अध्यक्ष ओलीले कांग्रेस राज्यमन्त्री दिए पनि सरकारमा आउने बताउनुभयो । उहाँले भन्नुभयो, ‘गृहमन्त्रीको कुरा छाडौँ, कांग्रेस त गृहराज्यमन्त्री दिए पनि सरकारमा आउँछ।’
