काठमाडौं । सदनको अवरोध हटाउन बसेको सभामुखसहितको तीन दलका शीर्ष नेताहरुको बैठक निष्कर्षविहीन टुंगिएको छ । सिंहदरबारमा बसेको दोस्रो चरणको बैठकमा पनि सहमति बन्न नसकेको हो ।
एमालेले सुन प्रकरणमा उच्चस्तरीय छानबिन समितिको माग गर्दै निरन्तर संसद अवरोध गरेपछि सभामुखले सदन सुचारु गर्ने पहल गरेको थिए । आज संसद बैठक खुलाउन प्रधानमन्त्रीसहित शीर्ष नेताहरुले गम्भीरतापूर्वक छलफल भएको सभामुखको सचिवालयले जनाएको छ ।
बैठक निष्कर्षमा पुग्न नसकेपछि भोलि बिहान साढे १० बजे प्रधानमन्त्री निवास बालुवाटारमा सभामुखको समेत उपस्थितिमा बैठक बस्ने सहमति भएको छ ।
