काठमाडौं । चितवनमा जलेर एक महिलाको मृत्यु भएको छ । राप्ती नगरपालिका–१३, क्यामराङकी ४२ वर्षीया ज्ञानुमाया प्रजाको मृत्यु भएको प्रहरीले जनाएको छ ।
सोमबार दिउँसो करिब साढे २ बजे राप्ती–१३, पान्द्रुङ चुलीस्थित पाखो जंगलमा खर काट्ने क्रममा जलेर उनी गम्भीर घाइते भएकी थिइन् । प्रहरीका अनुसार, जंगलमा लागेको डढेलोले जलेर घाइते भएकी उनलाई उपचारका निम्ति जिल्ला अस्पतालमा ल्याइएको थियो ।
उपचारका क्रममा आज बिहान साढे ४ बजे उनको मृत्यु भएको वाग्मती प्रदेश प्रहरी कार्यालयले जानकारी गराएको छ ।
