काठमाडौँ । शिक्षामन्त्री विद्या भट्टराई नेपाल समाजवादी विद्यार्थी युनियनका अध्यक्ष नेत्र चापागाईंको स्वास्थ्य अवस्था बुझ्न र संवाद गर्न माइतीघर मण्डलामा पुगेकी छन् । शैक्षिक सुधारको माग लिएर माइतीघर मण्डलामा हप्ता दिनदेखि उभिएर धर्नामा बसेका चापागाईंलाई भेट्न मन्त्री भट्टराई सोमबार त्यहाँ पुगेकी हुन् ।
मन्त्री भट्टराईसँगै शिक्षा समितिका सभापति अम्मरबहादुर थापा पनि माइतीघर मण्डला पुगेका छन् । सभापति थापाले पुस अन्तिम साता (२४ वा २५ गते) बस्ने समिति बैपठकमा चापागार्इंलाइ बोलाएर उनको मागबारे थप छलफल गरेर समाधान निकाल्ने बताए ।
