काठमाडौं, ७ मंसिर । नेताहरू बाबुराम भट्टराई, जनार्दन शर्मा र सन्तोष परियारले गठन गरेको प्रगतिशील लोकतान्त्रिक पार्टीको एकता घोषणासभा सुरु भएको छ । काठमाडौंको प्रदर्शनीमार्गस्थित राष्ट्रिय सभागृहमा सुरु भेलाबाट एकता घोषणा गरिनेछ ।
नेपाल समाजवादी (नयाँ शक्ति) पार्टी, माओवाद त्यागेर प्रगतिशील लोकतान्त्रिक अभियान घोषणा गरेका शर्मा र राष्ट्रिय स्वतन्त्र पार्टी (रास्वपा) त्यागेका परियारबीच एकता घोषणा गर्न लागिएको हो । पार्टीको नेतृत्व युवालाई सुम्पने तयारी छ । पार्टीको नेतृत्व सामूहिक हुने नेताहरूले बताएका छन् ।
