काठमाडौं । महाराष्ट्रमा विमान दुर्घटना हुँदा उपमुख्यमन्त्री अजीत पवारको मृत्यु भएको छ ।
बारामतीमा आज बिहान विमान अवतरणको क्रममा दुर्घटना भएको हो । दुर्घटना लगत्तै विमानमा आगो लागेको थियो ।
दुर्घटनामा विमानमा सवार उपमुख्यमन्त्री पवारसहित उनका निजी सहायक, सुरक्षाकर्मी र चालक दलका सदस्यको पनि मृत्यु भएको भारतीय सञ्चारमाध्यमहरुले जनाएका छन् ।
रिपोर्टका अनुसार मुम्बईबाट बारामती जाँदै गरेको विमान अवतरणको क्रममा धावनमार्गबाट चिप्लिएको थियो ।
