काठमाडौं : प्रधानमन्त्री सुशीला कार्कीले शिक्षा, विज्ञान तथा प्रविधिमन्त्री महावीर पुन असन्तुष्टि जनाउँदै आफ्नो क्याबिनेटबाट बाहिरिएको बताएकी छिन् ।
सोमबार राष्ट्रिय सभा बैठकमा सम्बोधन गर्दै प्रधानमन्त्री कार्कीले पुनले केही कानुन तत्काल बनाउन आग्रह गरेको तर सीमित समय र परिस्थितिका कारण त्यसमा सहयोग गर्न नसक्दा उनी रिसाएर पद छाडेको जानकारी दिइन् ।
‘जहाँसम्म पुनजीको कुरा छ, उहाँ त रिसाएरै जानुभएको हो,’ प्रधानमन्त्री कार्कीले भनिन्, ‘उहाँले दुई–चारवटा कानुन बनाउन भन्नुभएको थियो । ती कानुन राम्रै थिए । तर हामीले छोटो समयमा कानुन बनाएर सहयोग गर्न सकेनौँ । अनेक परिस्थिति हुन्छन्, सबै कुरा सम्भव हुँदैन ।’
