सुर्खेत । बलात्कारपछि हत्या भएकी सुर्खेतकी १६ वर्षीया इनिशा विक मृत्यु प्रकरणमा थप अनुसन्धान गर्न केन्द्रीय अनुसन्धान ब्युरो सीआईबीको टोली र नेपाल प्रहरी प्रदेश कार्यालय नेपालगन्ज बाँकेबाट पोलिग्राफ गर्ने अर्को एक टोली सुर्खेत आउने भएको छ ।
जिल्ला प्रहरी कार्यालय सुर्खेतका प्रमुख सुधीरराज शाहीले उक्त टोली आज नै सुर्खेत आउन लागेको जानकारी दिए । सीआईबीबाट एकजना र नेपाल प्रहरी प्रदेश कार्यालय नेपालगन्ज बाँकेबाट पोलिग्राफ गर्ने दुईजनाको टोली सुर्खेत आउन लागेको हो ।
पहिलो चरणको सम्पूर्ण अनुसन्धान जिल्लाबाटै सकिएको र थप अनुसन्धान गर्न केन्द्रीय अनुसन्धान ब्युरोको सहयोग लिएको प्रहरी निरीक्षक शाहीले बताए ।
पोलिग्राफको टोलीले पोलिग्राफमार्फत झुटो बोलेको पत्ता लगाउँछ । त्यस्तै सोही अफिसबाट सीडीआर एनलाइसिसलगायतको विज्ञ टोली पनि आउन लागेको शाहीले जानकारी दिए ।
