काठमाडौँ : नेपाली कम्युनिस्ट पार्टी (नेकपा)ले संसदीय दलको बैठक बोलाएको छ।
दिउँसो १ बजे केन्द्रीय कार्यालय पेरिसडाँडामा बस्नेगरि बैठक आह्वान भएको नेकपाका सांसद मातृका यादवले जानकारी दिए।
आज दिउँसो १ बजे पेरिसडाँडामा बस्नेगरी बैठकको खबर आएको छ,’ यादवले भने।
गएको फागुन २१ गते भएको प्रतिनिधिसभा निर्वाचनमा नेकपाले प्रत्यक्ष र समानुपातिक गरी १७ सिटमा जित निकालेको छ।
आजको बैठकबाट नेकपाले संसदीय दलको नेता चयन गर्ने सम्भावना छ। नेकपाले संयोजक पुष्पकमल दाहाल प्रचण्डलाई नै संसदीय दलको नेता चयन गर्ने सम्भावना छ।
