३० कार्तिक २०८३, सोमबार Monday, 16 November 2026
हामीलाई पछ्याउनुहोस्
३० कार्तिक २०८३, सोमबार 8:57 pm
अर्थ

४८ अंकको वृद्धिपछि साढे २८ सय विन्दुमा सेयरबजार

सूचना प्रेस २०८२ चैत्र २६ बिहिबार ००:००, १६:०३ बजे १ मिनेट पढाइ

काठमाडौँ ।  सेयरबजारमा बिहीबार पनि ४८.७१ अंकको वृद्धि देखिएको छ। नेप्से उक्त अंकले बढेर २८५१.२४ विन्दुमा उक्लिएको हो। योसँगै बजारमा झण्डै १० अर्बको कारोबार भएको छ। नेपाल स्टक एक्सचेन्जका अनुसार २ करोड ७९ लाख कित्ता सेयर किनबेचपछि ९ अर्ब ९१ करोड रुपैयाँको कारोबार भएको हो। यस दिन कुल २५१ वटा सेयरको मूल्य बढ्दा १६ वटा घटेको र एउटा अघिल्लो मूल्यमै कारोबार भएको छ।

बिहीबार ६ वटा सेयरमा सकारात्मक सर्किट लागेको छ। आत्मनिर्भर लघुवित्त, रिलायन्स स्पिनिङ मिल्स, भुजुङ हाइड्रो, रिजलाइन इनर्जी, सोलु हाइड्रो, होटल फरेस्ट इन १० प्रतिशतले बढ्दा लगानीकर्ताले क्रमशः ५५७.१३, ३८९.९०, ९८.५०, ७०.७०, ६८.४० र ६१.९० रुपैयाँ आम्दानी गरेका छन्। यसबाहेक सुपर खुदी हाइड्रो र सूर्यकुण्ड हाइड्रो इलेक्ट्रिकको सेयर पनि ९.९९ प्रतिशतले बढेको नेप्सेले जनाएको छ।

तर एनआईसी एसिया ब्यालेन्स्ड फन्ड, श्वेतगंगा हाइड्रोपावर एन्ड कन्स्ट्रक्सनलगायत भने २ देखि ६.७४ प्रतिशतसम्मले ओरालो लागेका छन्। नेप्सेले बिहीबार सबैभन्दा बढी नेशनल हाइड्रोको कारोबार भएको जनाएको छ। कम्पनीको ४३ करोड, रिडी पावर ४१ करोड, हिमालयन रिइन्स्योरेन्सको ३९ करोड, एनआरएन इन्फ्रास्ट्रक्चर एन्ड डेभलपमेन्ट र एसवाई प्यानलको ३४ करोडको कारोबार भएको छ। आज पनि सबै समूह बढेका छन्।