काठमाडौ – नेकपा एमालेले स्थानीय तह निर्वाचनको समिक्षा र थप रणनीति बनाउन आज सचिवालय बैठक बोलाएको छ ।
पार्टी केन्द्रीय कार्यालय च्यासलमा विहान ११ बजे बस्ने गरी सचिवालय बैठक बोलाइएको उपमहासचिव तथा प्रचार विभाग प्रमुख पृथ्वीसुब्बा गुरुङले बताउनु भयो ।
एमाले स्रोतका अनुसार अघिल्लो बैठकले स्थानीय तह निर्वाचनको प्रारम्भिक समिक्षा मात्र गरेकोले आजको बैठक थप तथ्य र प्रमाणका आधारमा विस्तृत समिक्षा हुनेछ । यसैगरी आसन्न संघीय र प्रदेशको निर्वाचनको तयारीका बारेमा बैठकमा प्रारम्भिक छलफल सुरु हुने एमालेले जनाएको छ । यस्तै बैठकले केन्द्रीय बिभागहरुमा थप सदस्यहरुको मनोनयन र सचिव समेत तोक्ने तयारी रहेको एमालेले जनाएको छ ।
