काठमाडौं । नेकपा एमालेको स्थायी कमिटी बैठक सुरु भएको छ ।
ललितपुरको च्यासलस्थित पार्टी कार्यालयमा सुरु भएको आजको बैठकमा निर्वाचन केन्द्रित छलफल हुने एमाले प्रचार विभागका उपप्रमुख विष्णु रिजालले जानकारी दिनुभयो ।
बैठकमा निर्वाचन घोषणापत्र तयार गर्ने, उम्मेदवारी छनोटको मापदण्ड बनाउने, केन्द्रिय कमिटी बैठकमा लैजान प्रतिवेदन तयार गर्ने लगायतका कार्यसूची रहेको छ ।
नेकपा एमालेले भदौ ९ गते पोलिटब्युरो बैठक, १० र ११ गते केन्द्रिय कमिटी र १२ भदौमा निर्वाचन परिचालन कमिटीको बैठक बोलाएको छ । पार्टी अध्यक्ष ओलीको अध्यक्षतामा वरिष्ठ उपाध्यक्ष ईश्वर पोखरेल, उपाध्यक्ष रामबहादुर थापा, विष्णु पौडेल, महासचिव शङ्कर पोखरेल, उपमहासचिवद्धय प्रदीप ज्ञवाली र विष्णु रिमाल रहनुभएको निर्वाचन घोषणपत्र मस्यौदा कमिटी गठन गरिएको थियो ।
