क्रिप्टो कारोबारको आरोप लागेका विशाल सिमेन्टका सञ्चालक अमित श्रेष्ठलाई कारागार चलान गर्ने जिल्ला अदालतको आदेश उल्ट्याएको छ । सरकारी वकिलको कार्यालय काठमाडौंले एक अर्ब बढी जरिबाना माग गर्दै मुद्दा चलाएका ‘क्रिप्टो’ कारोबारी अमित श्रेष्ठ १५ लाख धरौटीमा छुटेका छन् । उच्च अदालत पाटनको गत बिहीबारको आदेशअनुसार उनी धरौटी रकम बुझाएर आइतबार छुटेका हुन् ।
काठमाडौं प्रहरी परिसरले ४८ करोड ४ लाख ७२ हजार ५४८ बिगो दाबी गर्दै सरकारी वकिल कार्यालयमार्फत अदालतमा मुद्दा दायर गरेको थियो ।
अभियोगमा दाबी गरिएको सजायअनुसार श्रेष्ठलाई बिगो जफत गरी बिगोको तीन गुणासम्म जरिवाना वा ७ वर्षसम्म कैद वा दुवै सजाय माग गरिएको थियो।
