काठमाण्डौ क्षेत्र नम्बर ८ मा एमालेको घरदैलो : शिव सुन्दर र राजेश शाक्य मतदातामाझ

काठमाडौं । काठमाण्डौ महानगरपालिका वडा नं ८ मा नेकपा एमालेका उम्मेदवारहरुले घरदैलो कार्यक्रम सम्पन्न गरेका छन। आज नेकपा एमाले १९ वडा कमिटीद्धारा आयोजित घरदैलो कार्यक्रममा काठमाडौं निर्वाचन क्षेत्र नम्बर ८ मा एमालेका प्रतिनिधिसभा सदस्य उम्मेदवार शिव सुन्दर राजबैद्य र प्रदेश (क) तर्फका उम्मेदवार राजेश शाक्यले मतदाता माझ पुगेर मत माग्नुभएको थियो ।

स्थानीयवासीले उत्साहजन रुपमा आ आफ्नो घरघरमा एमालेका उम्मेदवारलाई स्वागत गर्दै विजयको शुभकामना व्यक्त गरेका थिए । जनताको सुख दुःखको सारथी बन्न आग्रह गर्दै स्थानीयवासीले एमालेका उम्मेदवारलाई विजयको माला लगाउन तयार भएर बसेको बताएका थिए ।