कालीकोट । कालीकोटको फुकोट जलविद्युत् आयोजनामा काम गरिहेको डोजर दुर्घटना परेर कर्णाली नदीमा खस्दा दुई जनाको घटनास्थलमै मृत्यु भएको छ । तीन जना बेपत्ता भएका छन् भने अन्य तीन जना घाइते भएका छन् ।
मृत्यु हुनेमा सान्नीत्रिवेणी १ का १७ वर्षीय चरित्र विक र सोही ठाउँका १४ वर्षीय युवराज बुढा छन् । यसैगरी बेपत्ता हुनेमा सान्नीत्रिवेणी १ का उमेश गिरी, सोही ठाउँका रक्तिम विक र अछाम घर भएका चालक कमल सोडारी रहेका छन् । बेपत्ता भएकाको खोजी कार्य जारी रहेको प्रहरीले जनाएको छ ।
यस्तै दुर्घटनामा परेर रास्कोट ७ का मिलन शाही, खाडाचक्र ११ बरातुकाका विवेक भारती र विकास भारती घाइते छन् । घाइतेको मान्मस्थित जिल्ला अस्पतालमा उपचार भइरहेको प्रहरीले जनाएको छ ।
