काठमाडौं-नेपाल पत्रकार महासंघको केन्द्रीय साधारण सभा सुर्खेतमा हुँदै छ । आज र भोलि कर्णाली प्रदेशको राजधानी वीरेन्द्रनगरमा साधारण सभा हुन लागेको हो ।
साधारण सभामा झण्डै ७ सयभन्दा बढी पत्रकारको सहभागिता रहने जनाइएको छ । कार्यक्रमको प्रमुख अतिथिको रूपमा राष्ट्रपति विद्यादेवी भण्डारी सुर्खेत जाँदै हुनुहुन्छ ।
यस्तै सञ्चार मन्त्री ज्ञानेन्द्र कार्की, कांग्रेस उपसभापति पूर्णबहादुर खड्का, एमाले महासचिव शंकर पोखरेल, नेकपा माओवादी केन्द्रबाट कृष्ण महरा, कर्णाली सरकारका मुख्यमन्त्री जीवन बहादुर शाही र कर्णालीका विभिन्न पालिकाका प्रमुखले अतिथिको रूपमा सहभागिता जनाउनु हुनेछ ।
आज र भोलि दुई दिनको साधारण सभाबाटै महासङ्घको आगामी भावी कार्य योजना निर्माण समेत गरिनेछ।
