काठमाडौं । भोलि हुने प्रतिनिधि सभाको सभामुख चयनका लागि आज उम्मेदवारी दर्ताका लागि आवहान गरिएको छ ।
आज दिउँसो १ बजेदेखि ४ बजेसम्म उमेदवारी दर्ताकाे समय रहेको छ । ४ बजे प्रस्तावको सूचना दर्ता, ४ः१५ बजे उम्मेदवारीको सूचनाको दर्ताक्रमानुसार सूची प्रकाशन गर्ने र ५ माघ ११ बजे प्रतिनिधिसभाको बैठकमा सभामुख पदमा निर्वाचित गरियोस् भनि प्रस्तावकले प्रस्ताव गर्ने र समर्थकले समर्थन गर्ने, उम्मेदवारीको सूचनामाथि सामूहिक रुपमा छलफल हुने र दर्ताक्रमानुसार निर्णायार्थ प्रस्तुत गर्ने रहेको छ ।
प्रधानमन्त्रीमा नेकपा (माओवादी केन्द्र)का अध्यक्ष पुष्पकमल दाहाल प्रचण्डसँग राष्ट्रपति र सभामुख लिने सहमति नेकपा एमालेले गरेको छ । यद्यपी एमालेले अहिले सम्म सभामुखको नाम सार्वजनिक गरेको छैन । नेकपा एमालेमा सभामुखमा पृथ्वीसुब्बा गुरुङ, छविलाल विश्वकर्मा, देवराज घिमिरे र विद्या भट्टराई आकांक्षी रहेको बुझिएको छ ।
