विराटनगर । नेपाल खेलकुद महासंघको दोस्रो राष्ट्रिय महाधिवेशनबाट नेकपा एमालेका युवा नेता पर्शुराम बस्नेत अध्यक्षमा निर्वाचित हुनुभएको छ ।
विराटनगरमा सम्पन्न महाधिवेशनबाट सर्वसम्मत रुपमा बस्नेत अध्यक्षमा निर्वाचित हुनुभएको हो। फागुन ७ देखि ९ गतेसम्म सञ्चालन भएको महाधिवेशनबाट निवर्तमान संयोजक बस्नेत निर्वाचित हुँदा पदाधिकारी र आयोगका पदाधिकारी भने केहिदिन पछि मात्रै टुङ्गो लाग्नेभएको छ ।
बस्नेत एमाले प्रदेश १ का सचिवालय सदस्य समेतको जिम्मेवारिमा समेत रहनुभएको छ । बन्द सत्रको दौरानमा अर्घाखाँचीका प्रतिनिधि प्रकाश महतको दुर्घटनामा परि निधन भएपछि बन्दसत्रको हलले सर्वसम्मत नेतृत्व चयन गर्न म्याण्डेट दिएको थियो ।
अध्यक्ष बस्नेतसहित १७५ सदस्य केन्द्रीय कमिटी घोषणा भएको छ । टुङ्गिन बाँकी रहेका पदहरु फागुन अन्तिम साता टुङ्गो लाग्ने बताइएको छ । यसैबिच नेकपा एमाले विराटनगर महानगरकमिटीका सचिव रोहित कोइराला, शितल राय र शान्ता डंगोल पनि महासंघको केन्द्रीय सदस्यमा निर्वाचित भएका छन् ।
