काठमाडौं । बस र मोटरसाइकल ठोक्किँदा तीन जनाको मृत्यु भएको छ। महोत्तरीको गौशाला नगरपालिका १ रामनगर जंगलमा (रेलवे ट्र्याक) को मोडमा दुर्घटना भएको हो। मृत्यु हुने तीनै जना एकै परिवारको रहेको प्रहरीले जनाएको छ।
सम्सीबाट बर्दिबास जाँदै गरेको बा३ख २३९६ नम्बर बस र माइस्थान चोकबाट गौशालातर्फ आउँदै गरेको मधेस प्रदेश ०१ ००४प६८१९ नम्बरको मोटरसाइकल ठोक्किएको थियो।
मृत्यु हुनेमा सिरहा कल्याणपुर नगरपालिका १० का २६ वर्षीय अमृत मण्डल, उनकी श्रीमती २४ वर्षीया अन्जु मण्डल र भतिजी ६ वर्षीया अंशु मण्डल रहेका छन्। इलाका प्रहरी कार्यालय गौशालाका प्रहरी निरीक्षक मनोजकुमार यादवका अनुसार तीब्र गतिमा आइरहेको बस र मोटरसाइकल ठोक्किएको थियो।
