विराटनगर । मोरङका मिटरब्याज पीडित भनिएका एक पुरुषको ज्यान गएको छ । जिल्ला प्रशासन कार्यालय मोरङमा पीडित र पीडक पक्षको छलफलपछि विष सेवन गरेका विनित सोनारको ज्यान गएको हो ।
यही साउन ७ गते जिल्ला प्रशासन कार्यालय मोरङमा छलफलपछि बाहिरिँदा प्रहरीले पक्राउ गरेपछि कार्यालय परिसरमै विष सेवन गरेका कटहरी गाउँपालिका–३ का अन्दाजी ३२ वर्षीय विनित सोनारको बुधबार बिहान निधन भएको छ ।
डा. नितेष तिवारी विरुद्ध सोनारकी पत्नी रीताले मिटरब्याजबाट पीडित भएको जाहेरी दिएकी थिइन् । उजुरी परेपछि जिल्ला प्रशासन कार्यालय मोरङले दुवै पक्षलाई साउन ७ गते छलफलका लागि डाँकेको थियो । जिल्ला प्रशासन कार्यालयमा छलफलपछि बाहिरिने क्रममा प्रहरीले पक्राउ गरेपछि सुनारले विष खाएका थिए ।
विष सेवनबाट गम्भीर बिरामी भएका उनलाई कोशी अस्पताल हुँदै नोबेल मेडिकल कलेज पु¥याइएको थियो । जिल्ला प्रहरी कार्यालय मोरङका डिएसपी छेदीलाल कामतीले नोबेलमा उपचारका क्रममा आज बिहान मृत्यु भएको जानकारी दिए ।
