काठमाडौं । नेकपा (एमाले) केन्द्रीय सचिवालयको बैठक बसिरहेको छ । बिहान ७ बजेदेखि अध्यक्ष केपी शर्मा ओलीको निवास, बालकोटमा बैठक बसिरहेको हो । केन्द्रीय सदस्य विष्णु रिजालका अनुसार पछिल्लो राजनीतिक घटनाक्रममा बैठक केन्द्रित रहेको छ ।
यसअघि, आइतबार एमाले अध्यक्ष ओली महासचिव शंकर पोखरेललाई साथमा लिएर प्रधानमन्त्री निवास बालुवाटार पुगेका थिए । नयाँ सत्ता समिकरणमा फेरबदल आउने संकेतको चर्चासँगै आजको बैठकलाई विशेष चासोका रुपमा हेरिएको छ ।
