काठमाडौं । प्रधानमन्त्री बालेन्द्र शाहले मन्त्रिपरिषद् विस्तार गरेका छन् ।
प्रधानमन्त्रीको सिफारिसमा मंगलबार राष्ट्रपति रामचन्द्र पौडेलले सुधन गुरुङलाई गृहमन्त्री र महावीर पुनलाई विज्ञान, प्रविधि तथा नवप्रवर्तन मन्त्रीमा नियुक्त गरेका हुन् ।
नवनियुक्त गृहमन्त्री गुरुङ र विज्ञान, प्रविधि तथा नवप्रवर्तन मन्त्री पुनले मंगलबार नै शितल निवासमा आयोजित विशेष समारोहकाबीच राष्ट्रपति पौडेलसमक्ष पद तथा गोपनियताको सपथ लिएका छन् ।
गुरुङ यसअघि पनि बालेन्द्र नेतृत्वको सरकारमा गृहमन्त्री भइसकेका छन् । सम्पत्ति शुद्धीकरण विवाद मुछिएपछि राजीनामा दिएका गुरुङ छानविन समितिले निर्दोष देखाएपछि पुन गृहमन्त्रीमा नियुक्त भएका हुन् ।
त्यस्तै महावीर पुन यसअघिको सुशीला कार्की नेतृत्वको सरकारमा शिक्षा मन्त्री बनेका थिए ।
