काठमाडौं । भक्तपुरको सूर्यविनायक नगरपालिकाको नगरप्रमुख पदबाट बासुदेव थापाले राजीनामा दिनुभएको छ । आइतबार नगर उपप्रमुख जुना बस्नेतसमक्ष थापाले राजीनामा दिनुभएको हो । आजदेखि उम्मेद्वारको मनोनयन दर्ताको मिति निर्वाचन आयोगले तोकेपछि मेयर थापाले राजिनामा दिनुभएको हो ।
स्थानीय तहको यहि बैशाख ३० गते हुने निर्वाचनमा सुर्यविनायक नगरपालिका भक्तपुरमा मेयरमा बासुदेव थापा नै दोहोरिने चर्चा छ । यद्यपी भक्तपुर एमालेले अहिलेसम्म कुनैपनि नगरपालिकामा वडा अध्यक्ष, उपप्रमुख र नगर प्रमुखको उम्मेदवार टुंगाउन सकेको छैन । भोलि १२ गते मात्रै सबै पालिकामा उम्मेदवारी दर्ता गर्ने कार्यक्रम तय भएको एमाले जनाएको छ ।
