तनहुँमा दुई बस ठोक्किए : एक जनाको मृत्यु, ३० घाइते

पोखरा । तनहुँमा दुई बस ठोक्किँदा एक जनाको मृत्यु भएको छ । यस्तै ३० जना घाइते भएका छन् । बन्दीपुर गाउँपालिका–५ नयाँपुल गोरेचौतारामा दुई बस ठोक्किएर दुर्घटना भएको हो । गण्डकी जिएए ००७० नम्बरको बस र भे१ख ३४८७ नम्बरको बस एकआपसमा ठोक्कँदा पोखराको चाउथे बस्ने ३९ वर्षीय रामबहादुर परियारको मृत्यु भएको छ ।

उनी गण्डकी जिएए ००७० नम्बरको बसका चालक रहेका जिल्ला प्रहरी कार्यालय तनहुँका डीएसपी अशोक थापाले जानकारी दिए । घाइतेको उद्धार गरी डुम्रेमा रहेको मोती अस्पताल र लक्ष्मी अस्पतालमा उपचार भइरहेको छ ।