काठमाडौँ- कृषि विकास बैंक लिमिटेडले आफ्नो ५८ औं वार्षिकोत्सवको अवसरमा आयोजना गरेको ‘एडिबिएल कर्पोरेट फुटसल २०८१’ को उपाधि कृषि विकास बैंक लिमिटेड र नेपाल ईन्भेष्टमेण्ट मेगा बैंक लिमिटेडले जितेका छन ।
विभिन्न कर्पोरेट हाउसहरुका बीचमा आयोजना गरेको खेलमा महिला तर्फ आयोजक कृषि विकास बैंक र पुरुष तर्फ नेपाल ईन्भेष्टमेण्ट मेगा बैंक लिमिटेडले ‘एडिबिएल कर्पोरेट फुटसल २०८१ को उपाधि हात पारेका हुन ।
एडिबिएल कर्पोरेट फुटसल २०८१ को समापन कार्यक्रमलाई सम्बोधन गर्दै कृषि विकास बैंकका कार्यकारी अधिकृत गोविन्द गूरुङले विभिन्न संस्थाहरु विचको सम्बन्ध र कर्मचारीहरुको उत्प्रेरण अभिवृद्धिका लागि खेलकुद प्रतियोगिताले अहम भुमिका खेल्ने कुरामा जोड दिनुभयो ।
खेलमा पहिलो हुने दुवै टिमलाई ५८ हजार नगद, मेडल र प्रमाणपत्र प्रदान गरियो । पुरषतर्फ २० र महिलातर्फ १० वटा टिमले सहभागिता जनाएका थिए । खेलमा सार्वजनिक सेवा प्रसारण नेपालले समेत सहभागिता जनाएको थियो ।
खेलकुद सम्बन्धि विभिन्न कार्यक्रम यही माघ १ गतेबाट सुरु भई माघ ५ गते सम्पन्न भएको थियो । बैंकले आज आफ्नो ५८ औं बार्षिकोत्सव मनाउँदै छ ।
