काठमाडौँं । राष्ट्रिय स्वतन्त्र पार्टी (रास्वपा) का सभापति रवि लामिछाने आज रुपन्देही जिल्ला अदालतमा उपस्थित हुँदैछन् । त्यसका लागि उनी हिजै भैरहवा पुगेका छन् । हिजो रविसँगै निकिता र केही केन्द्रीय नेता रुपन्देही पुगेका हुन् । बुटवलस्थित सुप्रिम सहकारीको रकम अपचलनको मुद्दामा बयानका लागि रवि अदालतमा उपस्थित हुन लागेका हुन् ।
सुप्रिम सहकारीका १० हजार ३ सय ९१ जनाले बचत गरेको १ अर्ब ३१ करोडमध्ये ८६ करोड १८ लाख रुपैयाँभन्दा बढी रकम अपचलन भएको छ। त्योमध्ये १४ करोड रुपैयाँभन्दा बढी रकम गोर्खा मिडिया नेटवर्कमा गएको प्रतिवेदनमा उल्लेख छ ।
यसअघि सहकारी प्रकरणमा रवि कास्की र काठमाडौं जिल्लाबाट धरौटीमा रिहा भएका छन् ।
