मकवानपुर — मकवानपुरको सिस्नेरीमा खाल्डोमा जमेको पानीमा डुबेर ३ जना बालकको निधन भएको छ । जिल्ला प्रहरी कार्यालय मकवानपुरका अनुसार इन्द्रसरोवर गाउँपालिका–३, सिस्नेरी चौकीनजिकै डुबेर उनीहरूको डुबेर मृत्यु भएको हो । मृत्यु हुनेमा इन्द्रसरोबर–३ सिस्नेरी डोडारेका १४ वर्षीय सुशान्त आचार्य, काभ्रेको फूलबारी दाप्चा घर भएका १४ वर्षीय प्रमेश घोरासैनी र ११ वर्षीय प्रमाध घोरासैनी रहेका छन् । प्रमेश र प्रमाध दाजुभाई हुन भने आचार्य उनीहरुको मामाको छोरा हुन् ।
मामाघर आएका घोरासैनी दाजुभाईसहित मामाको छोरा आज पौडी खेल्नको लागि सिस्नेरी खोलामा गएकोमा डुबेर उनीहरुको मृत्यु भएको इलाका प्रहरी कार्यालय भीमफेदीले जनाएको छ। मृतकको शव पोष्टमार्टमको लागि काठमाडौ पठाईएको छ ।
