काठमाडौँ । काठमाडौँको गौशालाबाट प्रहरीले पेस्तोल सहित दुई जनालाई पक्राउ गरेको छ । पक्राउ पर्नेमा महोत्तरी घर भएका सुरेशकुमार राम र दिनेशकुमार राम छन् ।
आरोपीहरूको साथबाट एकथान पेस्तोल, दुई थान म्यागजिन र एकथान वाकिटकी बरामद गरिएको जिल्ला प्रहरी परिसर काठमाडौँका एसपी अपिल बोहराले बताए । उनीहरू दाजुभाइ हुन् । उनीहरूमाथि अनुसन्धान भइरहेको एसपी बोहराले जानकारी दिए ।
