काठमाडौं : पर्सामा मोटरसाइकल दुर्घटना हुदाँ एक जनाको मृत्यु भएको छ। धोबिनी गाँउपालिका-२ का ४३ वर्षीय दिनेश पटेल कुर्मीको मृत्यु भएको हो। पोखरीया लंगडी सडकखण्ड अन्तर्गत पोखरिया नगरपालिका वडा नम्बर ३ मा सोमबार राति १० बजेतिर मधेस प्रदेश ०३- ०२८ प ३७०१ नम्बरको मोटरसाइकल अनियन्त्रित भइ दुर्घटना भएको थियो।
दुर्घटनामा परी मोटरसाइकल चालक कुर्मीको टाउकोमा गम्भीर चोट लागेर घाइते भएका थिए। बोल्न नसक्ने अवस्थामा उनलाई उपचारका लागि बाराको नौतनस्थित एलएस न्युरो हस्पिटलमा उपचारका लागि लगिएको थियो ।
न्युरो अस्पतालमा उपचारको क्रममा उनको मंगलबार बिहान १०: ४६ बजे मृत्यु भएको जिल्ला प्रहरी कार्यालय पर्साका प्रहरी नायब उपरीक्षक किशोर लम्सालले जानकारी दिए।
