मधेस प्रदेशको सरकारबारे छलफल गर्न मोर्चाको बैठक बस्दै

काठमाडौँ । शनिबार सङ्घीय लोकतान्त्रिक मोर्चाको बैठक बस्ने भएको छ । लोकतान्त्रिक समाजवादी पार्टी नेपालको कार्यालयमा आज दिउँसो मोर्चाको मूल समितिको बैठक बस्न लागेको राष्ट्रिय मुक्ति पार्टी नेपालका महासचिव केशव झाले बताए ।

सो बैठकको अध्यक्षता लोसपा नेपालका अध्यक्ष महन्थ ठाकुरले गर्ने बताइएको छ । बैठकमा आगामी निर्वाचनका तयारी र रणनीति, मोर्चाको सङ्गठनात्मक विस्तार, मधेस प्रदेशको सरकार तथा अन्य समसामयिक विषयबारे छलफल हुने बताइएको छ ।