काठमाडौं : नेकपा एमालेका अध्यक्ष केपी शर्मा ओलीले आज पार्टीको ११औँ राष्ट्रिय महाधिवेशनको लोगो सार्वजनिक गर्ने भएका छन्।
दिउँसो १ बजे ललितपुरको च्यासलस्थित मुख्यालयमा लोगो सार्वजनिक गर्ने कार्यक्रम राखिएको एमालेले जनाएको छ।
उक्त कार्यक्रममा उपस्थित हुन पार्टीका नेता–कार्यकर्तालाई आह्वान गरिएको छ। महाधिवेशनका निम्ति शनिबार देशभर र प्रवासबाट समेत प्रतिनिधि चयन गरिएको छ।
एमाले महाधिवेशन यही मंसिर २७ देखि २९ गतेसम्म काठमाडौंमा हुँदैछ।
