रूपन्देही । रुपन्देही जिल्ला अदालतले राष्ट्रिय स्वतन्त्र पार्टीका सभापति रवि लामिछानेसहित जोडिएको संगठित अपराध र सम्पत्ति शुद्धीकरण सम्बन्धी मुद्दा तत्काल फिर्ता लिन इन्कार गरेको छ ।
महान्यायाधिवक्ता कार्यालयको निर्णय कार्यान्वयनका लागि जिल्ला सरकारी वकिल कार्यालयमार्फत पेश गरिएको निवेदन अदालतले रोकिदिएको हो।
अदालतले यस विषयमा सर्वोच्च अदालतमा दायर रिट विचाराधीन रहेकाले अन्तिम टुंगो नलागेसम्म निर्णय कार्यान्वयन नगर्न आदेश दिएको जनाएको छ।
इजलासले सर्वोच्च अदालतबाट स्पष्ट आदेश आएपछि मात्र अगाडि बढ्ने संकेत गरेको छ। यसअघि सहकारी ठगी मुद्दा यथावत् राख्दै अन्य दुई अभियोग फिर्ता लिने तयारी गरिएको थियो।
