३० कार्तिक २०८३, सोमबार Tuesday, 17 November 2026
हामीलाई पछ्याउनुहोस्
३० कार्तिक २०८३, सोमबार 3:52 am
Banner

दुई छोराछोरीसहित आमा सम्पर्कविहीन

सूचना प्रेस २०८२ चैत्र २ सोमबार ००:००, १२:५२ बजे १ मिनेट पढाइ

सुर्खेत । सुर्खेतको गुर्भाकोट नगरपालिका–११, पिप्लेगाउँकी माया कठायत दुई छोराछोरीसहित सम्पर्कविहीन भएकी छन् । कठायत ११ वर्षीया छोरी आशा र पाँच वर्षीय छोरा दीपकसहित आइतबार (चैत १) बिहानदेखि सम्पर्कविहीन भएकी सुर्खेत प्रहरीका डीएसपी मोहनजंग बुढ्थापाले जानकारी दिए ।

आइतबार बेलुका उनका श्रीमान् भूपेन्द्र कठायतले छोराछोरीसहित श्रीमती सम्पर्कविहीन रहेको प्रहरी चौकी गुमीलाई जानकारी गराएका थिए । त्यसपछि चौकीका वरिष्ठ हवल्दार गोपाल गुरुङको नेतृत्वमा चार सुरक्षाकर्मी र वडाध्यक्षसहित स्थानीयले खोजतलास सुरु गरेका थिए ।

खोजतलासका क्रममा घरदेखि करिब तीन किलोमिटर टाढा भेरी नदीको किनारमा मायाले प्रयोग गरेका झोला, सल, चप्पल र एकथान मोबाइल फेला परेको डीएसपी बुढ्थापाले बताए ।

तीनैजनाको खोजतलासका निम्ति भेरी नदी र त्यस आसपासको क्षेत्रमा ३५ प्रहरी परिचालन गरिएको छ । रासस