काठमाडौं । प्रधानमन्त्री सुशीला कार्कीले ईद उल फित्रको अवसरमा देश, विदेशमा रहेका सम्पूर्ण मुस्लिम दाजुभाइ तथा दिदीबहिनीलाई शुभकामना व्यक्त गरेकी छन् ।
सामाजिक सञ्जाल फेसबुकमार्फत शनिबार प्रधानमन्त्री कार्कीले शुभकामना व्यक्त गर्दै ईद उल फित्रले आपसी सद्भाव र एकताको भावना अझ सुदृढ बनाउने विश्वास रहेको बताइन् ।
उनले लेखेकी छन्, ‘रमजानको महिना दिन लामो एवं कठिन व्रतले हामीलाई सहनशीलता, सहिष्णुता, त्याग र मानवताप्रतिको समर्पणको सन्देश दिन्छ । त्यही पवित्र महिमाकै कारण रमजानको रोजा बस्ने यस समयलाई सत्कर्म र संयमको महिना पनि भनिएको हो ।
यी मूल्यहरूले हाम्रो समाजलाई मानव मूल्यको महसुस, सहअस्तित्व र समृद्धिका लागि प्रेरणा प्रदान गर्छन् । ईद उल फित्रले आपसी सद्भाव, भाइचारा र एकताको भावना अझ सुदृढ बनाउने विश्वास लिएकी छु ।’
उनले यस पर्वले नेपालीबिच आपसी सम्मान, सद्भाव र सहकार्यको भावना अभिवृद्धि गर्दै राष्ट्रको समृद्धि र स्थायित्वमा योगदान पु¥याओस् भन्ने कामना समेत गरेकी छन् ।
