काठमाडौं । जेनजी आन्दोलनमा जलेर मृत्यु भएका मध्ये सात जनाको पहिचान अझै खुल्न नसकेको प्रहरीले बताएको छ ।
गत भदौ २३ र २४ को आन्दोलनमा विभिन्न भवनमा आगलागी हुँदा ४९ वटा शव फेला परेका थिए । ती मध्ये सातको पहिचान खुल्न नसकेको जिल्ला प्रहरी परिसर काठमाडौंका एसपी पवनकुमार भट्टराईले बताए ।
सात शवको पहिचान डीएनए परीक्षण प्रक्रिया जारी रहेको प्रहरीले बताएको छ । कंकाल मात्र फेला परेका कारण पहिचानमा कठिनाइ भइरहेको प्रहरीको भनाइ छ ।
