सिन्धुली । लगातारको वर्षा, हावाहुरी, चट्याङ तथा सम्भावित विपद् जोखिमलाई ध्यानमा राख्दै जिल्ला प्रशासन कार्यालय सिन्धुलीले वी।पी। राजमार्गमा रातिको सवारी आवागमनमा पूर्ण प्रतिबन्ध लगाएको छ।
जिल्ला सुरक्षा समितिको निर्णयअनुसार आज वैशाख २२ गतेदेखि अर्को सूचना जारी नभएसम्म खुर्कोट–नेपालथोक–कुडुलेबेँसी सडकखण्डमा बेलुकी ५स्०० बजेदेखि बिहान ५स्०० बजेसम्म सबै प्रकारका सवारी साधन सञ्चालन गर्न रोक लगाइएको हो।
अविरल वर्षासँगै रोशी खोलामा आएको बाढी र सडक अवरोधको जोखिमलाई मध्यनजर गर्दै यस्तो निर्णय गरिएको प्रशासनले जनाएको छ। साथै, मौसममा सुधार नआएसम्म वा आवश्यक ठानेमा अन्य समयमा पनि अस्थायी रूपमा सवारी आवागमन रोक्न सकिने बताइएको छ।
प्रशासनले उक्त सडकखण्ड हुँदै यात्रा गर्नुअघि जिल्ला प्रहरी कार्यालय, ट्राफिक प्रहरी वा आपतकालीन सञ्चालन केन्द्रमा सम्पर्क गरी सडकको अवस्था बुझ्न सर्वसाधारणलाई आग्रह गरेको छ।
